Ухаалаг гар утас, таблет компьютер бол шинэ цагийн хүн бүрийн хэрэглээ болж, техник технологийн хөгжлийн хурдыг сараар бус, өдрөөр ч бус цагаар хэмжих цаг ирээд байгаатай маргах хүн үгүй биз ээ.
 
Мэдээллийн технологийн салбарт тэргүүлэх технологийг байнга нэвтрүүлж, шинэ, шилдэг хэрэглээнд хэрэглэгчдээ хөтөлж, сургаж байдаг "Монгол Контент" компани нь цаг үе, технологийн хөгжлийг даган Ухаалаг гар утас хэрэглэгчдэдээ зориулан 2011 оны 5 сараас эхлэн аппликэйшн хөгжүүлж эхлээд байгаа бол тун удахгүй iPad хэрэглэгчдэд зориулан нэгэн шинэ бүтээлээ танилцуулах гэж байна.

Энэ бол iPad-д зориулсан ДИЖИТАЛ СЭТГҮҮЛ юм. 

Дижитал сэтгүүл гэхээр ихэнх хүмүүс компьютерийн дэлгэцнээс уншдаг текст төрлийн контент гэж ойлгодог. Гэвч энэ ойлголт нь илүү олон давуу тал, боломжуудыг агуулна. 

Жишээ нь:

- Дэлхийн хаанаас ч, хэзээ ч худалдан авах боломжтой /anywhere, anytime/
- Мэдээллийг илүү олон хэлбэрээр илэрхийлнэ - зураг, дуу, видео, хөдөлгөөнт дүрс /rich media/
- Мэдээлэлтэй харьцах боломж /interactivity/ гэх мэт

"Монгол Контент" ХХК нь энэхүү Дижитал сэтгүүлийнхээ анхны хувилбарыг “Өвөрмөц сэтгэж, гайхалтай шийднэ” уриатай Ирмүүн Мальтимедиа компаниас эрхлэн гаргадаг, дэлхийн 100 гаруй оронд хэвлэгдэж, 120 сая гаруй уншигчийн найдвартай зөвлөгч болж чадсан "COSMOPOLITAN" сэтгүүлтэй хамтран гаргаж байна. 

Бүсгүйчүүдийн сэтгэл хөдлөл, гоо сайхан, хайр дурлал, эрх чөлөө... Энэ бүх дотоод ертөнцийн тусгаар тогтнолын бэлгэдэл болох "COSMOPOLITAN" сэтгүүл тун удахгүй iPad хэрэглэгчиддээ хүрэх гэж байна.

"Монгол Контент" ХХК нь цаашид сэтгүүл эрхлэн гаргагчид болон байгууллагуудын зар сурталчилгааны мэргэжилтэн, маркетеруудтай хамтран ажиллах болно.